Hepatit b nədir

Hepatit b qaraciyər iltihablanmasına səbəb olan virus mənşəli infeksion xəstəlikdir. DNT tərkiblidir, qaraciyər hüceyrələrinin nüvəsinə girir, buna görə də müalicəsi çətinlik törədir. Hepatit A`dan sonra tapıldığı üçün əlifba sırasına uyğun olaraq hepatit b adlandırılıb. Qaraciyər hüceyrələrində yerləşərək onları tədricən sıradan çıxarır, qaraciyər fibrozlaşmasına, qaraciyər sirrozuna və xərçənginə gətirib çıxarır. Yoluxması qan təması və cinsi əlaqə yoluyladır. Müalicəsində isə virus əleyhinə xüsusi dərman preparatlarından istifadə olunur. Lakin hər hepatit b üçün müalicəyə başlanılmır. Mütləq ətraflı müayinələr olunmalıdır, bu müayinələrdən sonra əgər məlum olursa ki, hepatit b aktiv deyil, qanda miqdarı çox azdır və qaraciyərə zərər vurmur, bu zaman virus aktivləşmədiyi müddətdə müalicəyə başlanılmır. Amma virus aktiv forma olarsa mütləq müalicəyə başlanılmalıdır.